Description

“አገር ማለት ሰው ነው እያሉ በትውልድህ እንቅልፍ ላይ ብርድ ልብስ ይደርባሉ። አገር ማለት አፈር ነው። ሰውም ማለት አፈር ማለት ነው። ኢትዮጵያ ከተፈጠረች ጀምሮ የሞቱት ሰዎቻችን ስጋና አጥንት አፈር ሆኖ ይሄው” አሉና መሬቱን ብጎራዴው ጫፍ ጫር አደረጉት።

“አየህ አሁን አፈር አይደለም የጫርኩት፤ የሰው ስጋ ነው ! ሲጫር የሚያመው ፤ ሲወጋ የሚያቃስት ሰው ነው አፈሩ !! ይሄንን ነው ቆርሰው የሚወስዱጥ አገር ማለት ሰው ከሆነ፤ ሰው አፈር ነውና አፈርህን ሲነኩ እንቢ ልትል ይገባ ! ልጄ፤ ሕንጻ እና መንገድ አይግረምህ፤ የሰው ልጅ የሚሰራው የእጅ ጥበብ ሁሉ አይድነቅህ፤ ነገም ልጆችህ ከአንተ በተሻለ ይሰሩታልና ! ልጆችህ መቼም ለማያገኙት ስንዝር መሬት ግን ያለህን ሁሉ ክፈል…”

…ሆድ ይፍጀው ብሎ እየተሽቀረቀረ ነው እንጂ ከተማው ሁሉ በፍቅር ቁስለኛ የተሞላ ማገገምያ ሆስፒታል እኮ ነው። ሁሉም አንድ ቀን ባንድ ላይ የብሶቱን ያህል ስቅስቅ ብሎ እስኪወጣለት ቢያለቅስ አዲስ አበባ ላይ ብቻ ቅልልቁን ሕንጻ ሁሉ እንደጀልባ የሚያንሳፍፍ የእንባ ባሕር ይፈጠር ነበር….